Thursday, December 24, 2020

Торгоны замын зүрхний хэм судлалын нийгэмлэг "Зүрхний дутагдлын эмчилгээний инноваци" онлайн хурал

Эрхэм хүндэт та бүхнийг Торгоны замын зүрхний хэм судлалын нийгэмлэгээс 2020.12.25-12.26-ны өдрүүдэд зохион байгуулж буй   "Зүрхний дутагдлын эмчилгээний инноваци" онлайн хуралд идэвхтэй оролцохыг урьж  байна. Энэ хуралд ШУГТЭ ЗСТ-ийн их эмч, Хэм судлалын багийн ахлагч Х.Мөнгөн-Өлзий илтгэл тавьж оролцоно. 

Онлайн хурал бүртгэлийн хураамжгүй болох ба Зүрхний дутагдлын үеийн сүүлийн үеийн шинэлэг мэдээллийг хуваалцах тул та бүхэн идэвхтэй оролцоорой.  Дараах холбоосоор орж урьдчилан  бүртгүүлсний дараа Youtube тусгай холбоосоор нэвтрэх боломжтой.

Энд дарж бүртгүүлнэ үү



Tuesday, December 22, 2020

Ази-Номхон далайн орнуудын зүрх судасны нийгэмлэгийн "Зүрх судасны өвчнөөс урьдчилан сэргийлэх болон эмчлэхэд хүйсийн ялгаа" сэдэвт вебинар сургалт

Нийгэмлэгийн эрхэм гишүүд та бүхнийг Ази-Номхон далайн орнуудын зүрх судасны нийгэмлэгээс зохион байгуулж буй онлайн цуврал хурлын дараагийн дугаарт өргөнөөр оролцохыг урьж байна. Энэ удаагийн вебинар сургалт "Зүрх судасны өвчнөөс урьдчилан сэргийлэх болон эмчлэхэд хүйсийн ялгаа" сэдвийн хүрээнд явагдах ба энэ удаагийн сургалтанд ШУГТЭ-ийн ЗСТ-ийн их эмч Ө.Ганчимэг илтгэл тавьж оролцоно. 
   
Онлайн хурал 2020 оны 12 сарын 23-ны өдөр 12:00-14:30 цагаас болох ба Ази-Номхон далайн орнуудын зүрхний нийгэмлэгийн албан ёсны Facebook хуудас болон Youtube сувгаар шууд дамжуулах тул урьдчилсан бүртгэл хийлгэхгүйгээр шууд оролцох боломжтой.



Wednesday, November 11, 2020

Европын зүрхний нийгэмлэг - Азид

Европын зүрхний нийгэмлэгээс Ази-Номхон далайн зүрхний нийгэмлэгтэй хамтран зохион байгуулах "Европын зүрхний нийгэмлэг - Азид" хурал КОВИД19 цар тахлын улмаас энэ жил онлайн хэлбэрээр зохион байгуулагдах гэж байна. 

Тус хурал нь Европ болон Азийн зүрх судасны нийгэмлэгүүдийн хамтын ажиллагааны чухал бүрэлдэхүүн хэсэг бөгөөд Европ болон Азийн зүрх судасны нарийн мэргэжилтнүүд оролцож 2020 оны ESC Congress 2020 хурлын хүрээнд хэлцэгдсэн голлох судалгааны үр дүн, эмнэлзүйн удирдамжийг Ази-Номхон далайн бүс нутагт хэрхэн хэрэгжүүлж болох талаар зохион байгуулагдах болно. 

Онлайн хэлбэрээр зохион байгуулагдах болсонтой холбогдуулж энэ жилийн хурлыг бүртгэлийн хураамжгүйгээр үнэ төлбөргүй зохион байгуулж буй тул Монголын зүрх судасны мэргэжилтнүүд та бүхнийг өргөнөөр оролцохыг урьж байна. 




Monday, October 5, 2020

First Announcement of the 8th Asian Preventive Cardiology & Cardiac Rehabilitation Conference (APCCRC)


Азийн Зүрх судасны өвчнөөс урьдчилан сэргийлэх & Зүрхний судасны өвчний үеийн сэргээн засах эмчилгээний 8-р конференци 2020 оны 11-р сарын 28-29 өдрүүдэд виртиул хэлбэрээр зохион байгуулагдах гэж байна. Энэ жил "Ковид-19 цар тахлын үеийн зүрх судасны эмгэгийн менежмент ба зүрхний сэргээн засах эмчилгээ" сэдвээр 2 өдрийн турш хамгийн сүүлийн үеийн мэдээллүүд солилцох ба бүртгэл үнэ төлбөргүй тул гишүүд та бүхнийг өргөнөөр хамрагдахыг уриалж байна. Мөн тус конференцийн абстракт хүлээн авах хугацаа 2020 оны 10-р сарын 18 болж хойшилсон тул эрдэмтэн судлаач нар минь идэвхтэй оролцоорой. 

Бүртгүүлэх

Абстракт илгээх

Хурлын талаарх дэлгэрэнгүй мэдээллийг дараах холбоосоор авна уу Энд дарна уу

Sunday, October 4, 2020

APCS ба ISCP хамтарсан "Дунд орлогтой орнууд дахь зүрх судасны эмгэгийн урьдчилан сэргийлэлт" сэдэвт виртуаль хуралд өргөнөөр оролцохыг урьж байна

"Монголын зүрх судасны эмч нарын нийгэмлэг"-ийн нийт гишүүд, зүрх судасны эмч, мэргэжилтнүүд та бүхнийг 2020 оны 10 сарын 13-ны өдөр Ази-Номхон далайн орнуудын зүрхний нийгэмлэг (APCS) болон Зүрх судасны эмийн эмчилгээний олон улсын нийгэмлэг (ISCP)-ийн хамтран зохион байгуулж буй "Дунд орлоготой орнууд дахь зүрх судасны эмгэгийн урьдчилан сэргийлэлт" сэдэвт виртуаль хуралд өргөнөөр оролцохыг урьж байна. 

Тус хурлаар Монгол зэрэг дунд орлоготой орнуудад зүрх судасны эмгэгийн урьдчилан сэргийлэлтийг хэрэгжүүлж буй арга туршлага, дэвшилтэт шинэ арга барил, цаашдын чиг хандлагын талаар нарийн мэргэжилтнүүдийн илтгэл, хэлэлцүүлэг явагдана. 

Хурал онлайнаар уулзалт, хурал зохион байгуулах ZOOM платформ дээр явагдах бөгөөд та бүхэн ЭНД дарж үнэ төлбөргүйгээр урьдчилан бүртгүүлсэн байх ёстойг анхаарна уу. 

Хурлын талаарх дэлгэрэнгүй мэдээллийг доорхи танилцуулах хуудаснаас авах боломжтой. 

Ази-Номхон далайн орнуудын зүрх судасны нийгэмлэгийн онлайн хурал - Даралт ихсэлтийн эмчилгээнд шинээр тулгарч буй бэрхшээл ба дэвшил 2-р хэсэг

Эрхэм хүндэт та бүхнийг Ази-Номхон далайн орнуудын зүрхний нийгэмлэгээс зохион байгуулж буй онлайн цуврал хурлын дараагийн дугаарт өргөнөөр оролцохыг урьж байна. Энэ удаагийн онлайн сургалтаар "Даралт ихсэлтийн эмчилгээнд шинээр тулгарч буй бэрхшээл ба дэвшил" сэдэвт сургалтын 2-р хэсгийг хүргэх бөгөөд  артерийн даралтыг хэмжих аргуудыг ашиглан даралт ихсэлтийн эмчилгээг чиглүүлэх, хүнд цаг ууртай бүс нутгийн хувьд даралт ихсэлтийн эмчилгээний менежмент, эмэнд тэсвэртэй даралт ихсэлтийн эмчилгээний асуудал зэрэг манай орны нөхцөлд түгээмэл тулгардаг бэрхшээл ба тэдгээрийн шийдлийн талаар ярилцах болно. 

Манай оронд зүрх судасны өвчлөлийн дунд даралт ихсэлт тэргүүлэх байрыг эзэлж буй нь тулгамдсан асуудал хэвээр байсаар буй бөгөөд өнөө үед даралт ихсэлтийн эмчилгээнд тулгарч буй саад бэрхшээл, тэдгээрийг даван туулах арга зам, шинэ дэвшилүүдийн талаар хэлэлцэх онлайн хуралд тус нийгэмлэгийн гишүүд, нийт эмч, эмнэлэгийн мэргэжилтнүүдийг өргөнөөр оролцохыг уриалж байна. 

Онлайн хурал 2020 оны 10 сарын 07-ны өдөр явагдах ба Ази-Номхон далайн орнуудын зүрхний нийгэмлэгийн албан ёсны Facebook хуудас болон Youtube сувгаар шууд дамжуулах тул урьдчилсан бүртгэл хийлгэхгүйгээр шууд оролцох боломжтой. Дэлгэрэнгүй мэдээллийг доорхи танилцуулга брошураас авна уу. 

Saturday, September 26, 2020

Ази-Номхон далайн орнуудын зүрх судасны нийгэмлэгийн онлайн хурал - Даралт ихсэлтийн эмчилгээнд шинээр тулгарч буй бэрхшээл ба дэвшил

Эрхэм хүндэт та бүхнийг Ази-Номхон далайн орнуудын зүрхний нийгэмлэгээс зохион байгуулж буй онлайн цуврал хурлын дараагийн дугаарт өргөнөөр оролцохыг урьж байна. Энэ удаагийн онлайн хурлаар "Даралт ихсэлтийн эмчилгээнд шинээр тулгарч буй бэрхшээл ба дэвшил" сэдвээр явагдах бөгөөд "Монголын зүрх судасны эмч нарын нийгэмлэг"-ийн ерөнхийлөгч Д.Мөнгөнчимэг хурлыг удирдан явуулах бүрэлдэхүүнд багтаж байна. 

Манай оронд зүрх судасны өвчлөлийн дунд даралт ихсэлт тэргүүлэх байрыг эзэлж буй нь тулгамдсан асуудал хэвээр байсаар буй бөгөөд өнөө үед даралт ихсэлтийн эмчилгээнд тулгарч буй саад бэрхшээл, тэдгээрийг даван туулах арга зам, шинэ дэвшилүүдийн талаар хэлэлцэх онлайн хуралд тус нийгэмлэгийн гишүүд, нийт эмч, эмнэлэгийн мэргэжилтнүүдийг өргөнөөр оролцохыг уриалж байна. 

Онлайн хурал 2020 оны 09 сарын 30-ны өдөр явагдах ба Ази-Номхон далайн орнуудын зүрхний нийгэмлэгийн албан ёсны Facebook хуудас болон Youtube сувгаар шууд дамжуулах тул урьдчилсан бүртгэл хийлгэхгүйгээр шууд оролцох боломжтой. Дэлгэрэнгүй мэдээллийг доорхи танилцуулга брошураас авна уу. 

Wednesday, September 16, 2020

Cardio Update Europe 2020 виртуаль хуралд оролцохыг урьж байна.

"Монголын зүрх судасны эмч нарын нийгэмлэг" нь өөрийн гадаад хамтын ажиллагааны хүрээнд Ази-Номхон далайн орнууд болон Европын орнуудын ижил үйл ажиллагаа явуулдаг мэргэжлийн нийгэмлэгүүдтэй хамтран ажилладаг билээ. Тус хамтын ажиллагааны хүрээнд тус бүс нутаг, орнуудад зохион байгуулагдаж буй зүрх судасны чиглэлээрх эрдэм шинжилгээний хурал, сургалтад өөрийн орны зүрх судасны эмч мэргэжилтнүүдийг хамруулахыг зорьж ажилладаг. 

Энэ удаад 2020 оны 10 сарын 02-03-ний өдрүүдэд виртуаль буюу онлайн хэлбэрээр зохион байгуулагдаг Cardio Update Europe 2020 хуралд тус нийгэмлэгийн гишүүд болон зүрх судасны чиглэлээр ажиллаж буй эмч, эмнэлэгийн мэргэжилтнүүд та бүхнийг өргөнөөр оролцохыг урьж байна. 

Тус хурлын хүрээнд өнгөрсөн 1 жилийн хугацаанд зүрх судасны өвчний оношилгоо, эмчилгээний салбарт гарсан ахиц дэвшлүүдийг хэлэлцэхээс гадна, дэлхийн хэмжээний эксперт, мэргэжилтнүүдээс суралцах, санал зөвлөгөө авах боломжтой юм. 

Та бүхэн хурлын талаарх дэлгэрэнгүй мэдээллийг доорхи хурлын албан ёсны веб сайтаас авах боломжтой. Та бүхнийг КОВИД19 цар тахлын улмаас олон улсын хуралд биеэр оролцох боломжгүй байгаа энэ цаг үед онлайнаар зохион байгуулагдаж буй тус хуралд өргөнөөр оролцож шинэ мэдээ мэдээллээс хоцрохгүй байхыг уриалж байна. 

https://cardio-update-europe.eu/

Thursday, August 27, 2020

Зүрх судасны үндэсний конференц 2020

Монгол улсад зүрх судлалын салбарыг хөгжүүлэхэд хамтран зүтгэж буй Эрхэм хүндэт эмч, мэргэжилтэнүүд танаа!

Та бүхнийг 18 дах жилдээ уламжлал болон зохион байгуулагдаж буй “Зүрх судасны үндэсний конференц 2020”-ийг КОВИД19 цар тахлын дэгдэлттэй холбоотойгоор онлайн хэлбэрээр зохион байгуулахаар болсон тул та бүхнийг идэвх, санаачлагатай өргөнөөр оролцохыг урьж байна.


Конференцид Монгол орны өнцөг булан бүрт зүрх судасны чиглэлд ажиллаж буй нийт эмч, мэргэжилтэнүүд “Эрүүл зүрхний төлөө бид хамтдаа” уриан дор оролцохоос гадна олон улсын нэр хүндтэй, зөвлөх мэргэжилтнүүд оролцож, салбарын хөгжил, дэвшил, шинэ технологи, тулгамдаж буй асуудал, түүний шийдлийн талаар хэлэлцүүлэг өрнүүлэх болно. 

Конференц 2020 оны 10 сарын 23-27-ны хооронд 5 өдрийн туршид төрөлжсөн нарийн мэргэжилтнүүдийн лекц, хэлэлцүүлэг, сүүлийн үеийн эрдэм шинжилгээ, судалгааны ажлууд, сонирхолтой тохиолдолууд, 2020 онд шинээр танилцуулагдаж буй удирдамж, заавруудыг танилцуулахаар шамдан ажиллаж байна. Үүнд та бүхний оролцоо дэмжлэг туйлийн чухал тул өөрсдийн хийсэн эрдэм шинжилгээ, судалгааны ажлаа хэлэлцүүлэхийг уриалж байна.

Хурлын талаарх дэлгэрэнгүй мэдээллийг дараах хаягаар холбогдон авна уу.

Веб хуудас: https://conference.cardiosociety.mn/

Monday, August 17, 2020

Европын Зүрхний Нийгэмлэгийн 2020 оны чуулга уулзалт - ESC Congress 2020 - The Digital Experience

Европын Зүрхний Нийгэмлэгийн жил бүр уламжлал болгон зохион байгуулагддаг чуулга уулзалт буюу ESC Congress энэ жил КОВИД-19 цар тахлын улмаас онлайн хэлбэрээр зохион байгуулагдахаар төлөвлөгдөж, бэлтгэл ажлыг хангаж дуусаад байна. 

ESC Congress нь зүрх судасны чиглэлээр зохион байгуулагддаг хамгийн том чуулга уулзалт бөгөөд жил бүр 100 гаруй орноос 30000 гаруй эмч, эмнэлэгийн мэргэжилтнүүд оролцож 5 өдрийн турш зүрх судасны салбарт гарсан шинэ эрдэм шинжилгээний бүтээлүүдийг хэлэлцэх, технологийн дэвшлүүдийг танилцуулах, дэлхийн өнцөг булан бүрээс ирүүлсэн эрдэм шинжилгээний бүтээлүүдийг хэлэлцдэг билээ. Түүнчлэн ESC Congress-ийн үеэр Европын Зүрхний Нийгэмлэгээс эрхлэн гаргадаг зүрх судасны өвчний оношилгоо, эмчилгээний шинэчилсэн удирдамжуудыг танилцуулдаг уламжлалтай. Энэ жил та бүхэн www.escardio.org албан ёсны онлайн платформоор дамжуулан нийт 36 шууд дамжуулалт, 337 сэдвийн хүрээнд хурлын үйл ажиллагааг зохион байгуулах ба 3917 илтгэл, судалгааны бүтээлүүдтэй үнэ төлбөргүйгээр танилцах, ажлын байран дээрээсээ эсвэл гэрээсээ шууд холбогдон оролцох боломжтой юм. 


Хурлыг онлайнаар зохион байгуулахтай холбоотойгоор хурлын бүртгэлийг үнэ төлбөргүй болгосон нь зүрх судасны өвчний оношилгоо, эмчилгээний чиглэлд гарч буй хамгийн сүүлийн үеийн эрдэм шинжилгээ, судалгааны бүтээлүүдтэй танилцах, шинэ мэдээ, мэдээллээс хоцрохгүй байх боломжийг олгож байгаа юм.

Thursday, July 30, 2020

APSC JCS 2020

Нийгэмлэгийн эрхэм гишүүдээ

Ази Номхон Далайн Зүрхний Нийгэмлэг нь  Японы "Circulation" нийгэмлэгтэй хамтран 2020 оны 07 сарын 27-оос 2020 оны 08 сарын 01-ний өдрүүдэд APSC JCS 2020 Webinar зохион байгуулж байна. Та бүхэн хаана ч байсан онлайнаар үнэ төлбөргүй тус сургалтанд хамрагдах боломжтой тул энэхүү боломжийг бүү алдаарай.

Тус вебинар чуулганд Ази Номхон Далайн Зүрхний Нийгэмлэгээс гаргасан COVID 19-той холбоотой шинэчлэгдсэн мэдээллүүд болон APSC Leadership цуврал сургалтууд зэрэг олон олон шинэ сонирхолтой сургалтууд болох тул нийгэмлэгийн гишүүд идэвхтэй оролцоорой.



Tuesday, May 12, 2020

CODHy AP ONLINE CONGRESS

Энэ жил COVID-19-ийн онцгой нөхцөл байдлын улмаас Чихрийн шижин, Таргалалт ба Даралт ихсэх асуудлаар харилцан зөвшилцөлд хүрэх тухай Ази, Номхон далайн конгрессоос (CODHy AP) анх удаа CODHy AP онлайн конгресс зохион байгуулах гэж байна.

2020 оны 06 сарын 06-нд 08-21 цагт (Хятадын цагаар)
CODHy AP Онлайн Конгрессын анхны эрдэм шинжилгээний хөтөлбөр нь Чихрийн шижин, Таргалалт, Даралт ихсэх зэрэг чиглэлээр Хятад, олон улсын эмч нарт тулгарч буй хамгийн эрчимтэй, маргаантай сэдвүүдийн талаар хэлэлцэх болно.

Илүү дэлгэрэнгүй мэдээллийг дараах веб хуудсаар дамжуулан авна уу.

Wednesday, May 6, 2020

The 28th Annual Scientific Congress of the Hong Kong College of Cardiology

Хонконгийн Зүрхний коллежийн 28 дахь удаагийн эрдэм шинжилгээний хурал 2020 оны 07 сарын 3-5-ны өдрүүдэд зохион байгуулагдах гэж байна. Энэ жил дэлхий нийтээрээ COVID 19 цар тахлын эсрэг тэмцэж байгаа энэ үед тус хурлыг холимог хэлбэрийн шинэ арга барилаар зүрх судасны салбарт өндөр чанар бүхий цогц хөтөлбөртэйгөөр зохион байгуулна. 

Эрдэм шинжилгээний хуралд илтгэгчид болон бусад төлөөлөгчдийн биеэр оролцохын зэрэгцээ хуралд оролцогчдийн оролцоог нэмэгдүүлэх, уян хатан байдлыг хангах үүднээс онлайн оролцоог хангахаар ажиллаж байна. 

"Монголын зүрх судасны эмч нарын нийгэмлэг"-ийн гишүүдийг тус хуралд бүртгүүлэн онлайнаар оролцохыг урьж байна.  

Бүртгэл дуусах хугацаа: 2020 оны 06 сарын 26 (Баасан гариг)

Илүү дэлгэрэнгүй мэдээллийг дараах веб хуудсаар дамжуулан авна уу. 
www.hkccasc.com


Follow by Email